上水天平邨蚊患嚴重，居民惶恐不安，蚊香、蚊怕水和蚊怕膏等均不離手；而邨內有學校更索性成立糾察隊「自衞」，代替不濟的管理公司滅蚊。
「啲蚊30幾樓都有」
別以為住得高可逃過一劫，住重災區之一天喜樓高層的伍太說：「啲蚊乜嘢時間都有，30幾樓都有，天喜樓對開特別多，我有滅蚊燈同滅蚊拍，否則一定搞唔掂。」另一天喜樓低層住客劉先生說：「我用咗百幾銀去整咗啲蚊網放響窗口，係冇辦法之中嘅辦法。」
在公園陪女兒玩耍的周太則說：「個幾月前已經知道啲蚊好犀利。啲細路玩到傍晚時成身大汗，就更加吸引啲蚊嚟針，搞到成身蚊癱返嚟。」當記者向附近一名少女查詢時，她即以不斷搽蚊怕膏和撥扇去回應記者，認真忙碌。此外，亦有父親稱為免子女被叮咬，索性不帶子女往公園玩，又經常穿長袖衫。
至於邨內3間幼稚園、1間小學和1間特殊學校，亦是投訴蚊患常客，其中有幼稚園索性成立防蚊糾察隊，每周由老師負責檢查花盆和積水地方，一有幼蚊就進行殲滅；此外該幼稚園每個課室都有一盞滅蚊燈，姓黃女校長更說：「當學生被蚊咬後，我哋會立即通知管理公司，要求佢哋快啲做嘢。」
本報記者