甄子丹因為擁有一身好武功，所以佢嘅電影好快就打入咗國際市場，而且呢幾年仲有唔少美國片搵佢演出，好似Miramax前老闆HarveyWeinstein咁，佢開咗間美國公司，準備翻拍多部亞洲武俠片，當中包括出年開拍嘅《七俠五義》，已經定咗由章子怡同甄子丹擔正，早前佢仲秘密來港，邀約甄子丹、莫文蔚同鄭佩佩等密斟。
身手取勝
除咗《七俠五義》之外，該公司同時會支持昆頓塔倫天奴（QuentinTarantino）開拍已故導演張徹喺67年拍攝嘅名作《獨臂刀》，原裝版由王羽飾演嘅獨臂刀，聽聞會係甄子丹同李連杰之爭。
昆頓一向鍾情東方電影，要拍呢部古裝武俠片，當然要搵好身手嘅東方演員嚟演獨臂刀，咁喺國際有知名度嘅東方演員得嗰兩、三個，所以李連杰同甄子丹真係唔愁冇戲拍。馮仁昭早兩日打電話問甄子丹呢件事，佢話：「我真係冇傾過呢部戲喎，到真係搵我先講啦！嗰日同Harvey係有傾合作拍戲嘅嘢，但冇提過呢部喎！」
