蔣雅文（Mandy）、SunBoy'z、裕美、范萱蔚及江若琳等人，昨日到華仁書院擔任「YesSchoolTour2007」表演嘉賓，當中以Mandy最受歡迎。Mandy表示每次到校園騷表演都會勾起她的初戀回憶，她說：「我讀書時成個鄉下妹咁，一啲都唔起眼，直至中三調咗個男同學坐我隔籬，我兩個日久生情就開始拍拖啦。」
陳偉霆玩屎記過
至於SunBoy'z的陳偉霆（William）表示讀書時曾記了一個大過，他說：「當時班內有個同學成日偷嘢，但係因為證據唔夠捉唔到佢，於是我哋幾個人收集咗一包屎放入佢個書包報仇，最後因為咁俾老師記大過。」此外，去年才中五畢業的裕美及范萱蔚均表示十分懷念校園生活，她們指將來一定會重踏校園或者到外國留學。
採訪：李珮洳
攝影：陳俊強
