孫佳君淡出幕前後，在05年找到新加坡富商男友，二人育有一子，孫佳君雖然曾一度因太高調而被男友放逐新加坡，但前晚她富泰地回歸Ball場，身光頸靚一身鑽飾亮相Chanel酒會。縱使談到名份與男友，孫佳君只能哈哈迴避，但對衣食無憂，閒時湊仔做闊太的美滿生活，她相當心足。
法國名牌Chanel前晚在中環為全新珠寶系列舉行VIP酒會，多個半息影狀態的女星如孫佳君、陳慧嫻、宣萱和陳道然（蘭子）等，均到場睇珠寶。
落足眼睇珠寶
孫佳君自02年遭舊愛羅兆輝公開二人的濕吻照片後，即淡出娛樂圈，05年她為新加坡富商劉志坤誕下兒子，曾一度在港貴氣夜蒲、去Gucciparty和買金錶等，其後被踢爆未註冊，更有指因她太高調，被放逐回新加坡。前晚孫佳君終富泰地復出香港社交圈，名正言順亮相Chanel酒會。
戴上巨型鑽石耳環和手拿Chanel手袋的孫佳君，來去匆匆，卻在場內逗留足45分鐘睇珠寶，她離開時邊走邊說：「我冇買嘢，嚟睇吓啫。」問她近況如何？，她說：「冇，都係湊BB，做家庭主婦。」她看來十分享受，問可是滿意現時的美好生活，她甜笑說：「都係，我都冇諗過復出，我鍾意拍戲，但有人搵先算喇！」不過當問到其未註冊的男友時，她即避忌收口，哈哈笑幾聲表示要趕返家買飯盒。
慧嫻想踏紅館
同場的陳慧嫻與經理人歐滿財結伴，問她男友謝國麟醫生去年搭上女護士，陳慧嫻想一想說：「唔，我認為係冇嘢，我100％信任佢。」但她謂沒想過結婚生仔，反而仍迷戀音樂舞台，她說：「我想出碟，𠵱家仲傾緊，好想快啲開演唱會，尤其喺紅館。」
採訪：GeneNg
攝影：ChenWaiOn
