電影《明明》前晚在金鐘舉行首映禮，被邀出席欣賞電影的楊千嬅被問到近日跟老闆黎明不咬弦的報道，千嬅坦言只當是宣傳，還大讚黎明很聰明，令她試到很多未試過的事物。對於被指沒話事權而感冇癮，千嬅即開玩笑說：「我大把錢開公司。」
由周迅、吳彥祖主演的電影《明明》前晚在金鐘舉行首映禮，因為男主角吳彥祖要出席胞姊在美國的婚宴而缺席，只得女主角周迅獨力撐場，幸得林嘉欣、潘廸華、楊千嬅及黃耀明等到場力撐，故場面星光熠熠。
讚揀歌聰明補鑊
有指周迅將會接拍陳德森的新戲《血滴子》，但周迅以國語否認說：「網上有很多報道，不過自己就不知道，現在還未有講過。」她透露稍後會專心做唱片，問她可會考慮唱廣東歌，她表示：「今次《明明》的主題曲已經是廣東歌，會收錄在明哥（黃耀明）的新碟裏面。」
另外，楊千嬅近日被指跟老闆黎明不和，報道指她嫌棄黎明為她新碟所選的歌曲非常「娘」，又不為她的新碟作宣傳，千嬅聞言說：「所以呢啲咪就係宣傳囉！佢揀歌好聰明，Leon（黎明洋名）做咁多年，識點化。好無聊！鋼琴喺遠古時已有，唔通𠵱家彈琴又話娘咩？」
「問問題算唔算拗」
提到千嬅跟黎明可有拗撬，千嬅續說：「開會問一條問題算唔算拗撬呢？開會係討論議題。」對被指沒份參與新碟製作是否感到無癮，千嬅說：「我30幾歲人，冇人可以迫我做啲我冇興趣嘅嘢，如果我要話事，大把錢開間公司，好似Edision（陳冠希）咁做CEO都得。某程度上我都要多謝黎生畀我試從來未試過嘅嘢。」她還笑言：「睇嚟我都要加入佢嘅fanclub先得，不過怕啲人話我癲啫！」
採訪：張俊銘
攝影：林德雄
