日前來港宣傳全新首飾系列的畢加索女兒PalomaPicasso，前晚由Tiffany設宴，林建岳的前妻謝玲玲及女友陳浥萍（Monica）均慕名捧場。謝玲玲高興地透露大女恬兒23歲，已於美國哥倫比亞大學修讀政治課程碩士畢業，現急於為女兒及兒子孝賢搵合適對象，渴望飲新抱茶。
美國鑽飾品牌Tiffany&Co.前晚在半島酒店設宴，展出畢加索女兒PalomaPicasso設計的最新CrownofHearts系列，不少名太都慕名而至，包括「豹嫂」WendyHotung、郭由美子、林建岳的前妻謝玲玲及女友陳浥萍也有出席。
幫女兒儲定嫁妝
謝玲玲被大會安排與PalomaPicasso同席，她說：「因為我囡囡好鍾意Tiffany，佢仲幫我喺邀請卡度畫咗個心形圖案。」
一向愛收藏珠寶的謝玲玲，表示已開始跟囡囡談珠寶經，她說：「我好鍾意收藏古董鑽飾，我已經幫三個女儲定嫁妝，可惜佢哋都未拍拖，囝囝孝賢又未拍拖，都好心急。」
謝玲玲透露昨晚將會到歐洲辦理私務，之後會跟囝囝及奶奶余寶珠一起去紐約，出席大女林恬兒的畢業典禮，她說：「真係好開心，囡囡讀書好叻，之前喺國際學校跳咗班，所以佢23歲就喺哥倫比亞大學讀完政治碩士，不過佢professor希望佢留低喺紐約做嘢，我就希望佢快啲返嚟。佢喺美國掛住讀書，又唔拍拖，我同佢嫲嫲都好心急。」
否認兒子戀阿嬌
至於囝囝孝賢，謝玲玲一樣心急說：「我成日去活動就問人哋啲女幾多歲，睇吓有冇好女仔，都希望佢可以早啲成家立業，個人會定啲。」問到其囝囝早前與Twins的鍾欣桐拍拖？她說：「嗰次佢生日唱歌我都有去，都唔見佢，第二日我都有問司機有冇阿嬌，𠵱家個仔都冇拍拖，我同佢一齊住，佢最多都係拍吓散拖。」採訪：JessicaNgan
攝影：EdwardChou
