舊年8號仔賣盤流產之後，雖然主席二少不斷增持，以證自己浪子回頭安份做主席，但唔知係咪變過心嘅男人好難令人信服，所以，大家都睇佢幾時再賣，噚日就到Reuters話喺沙地阿拉伯嗰邊收到風，二少會將自己嘅8號仔股份賣畀中東佬，仲搵埋分析員「分析」…好似藺常念大師話齋，二少好明顯想做傳媒大亨，但如果佢唔賣8號仔，就冇自由達成呢個願望，佢好想將8號仔脫手，但問題係冇人願意落叠…而CLSA嘅Francis張就話二少要賣一定要得到國家批准，但相信好難...見解精闢獨特！咁Reuters咁有江湖地位，呢單料到底係堅定流呢？有權威消息即刻話，呢單係純屬揣測嘅流料…真係信不信由你！
[email protected]