年輕人愛自由，總想自己獨立生活；雖然冇父母管住晒，但煮飯嗰陣又十分傷腦筋，餐餐出街食都唔係辦法。其實，想快靚正煮一餐，又唔一定要開火開鑊咁麻煩嘅，因為我哋有微波爐，所以一樣日日煮到新鮮靚餸，好味之餘，至緊要係唔使擔心營養不良嘛！
記者：林佩婷
攝影：陳偉強
示範：烹飪導師Josie（www.cookerycookery.com/）
芝士火腿蘑菇通粉
需時：15分鐘
價錢：$20/2人
材料：通粉/芝士各50克、火腿2片（切條）、蘑菇5粒（切片）、腸仔2條（切粒）、忌廉湯1/2罐、水4湯匙、熱水2杯
做法：通粉加入熱水，放微波爐大火叮5分鐘，過冷河後瀝亁水份。將所有材料（芝士除外）拌勻後，最後放上芝士，用微波爐大火叮5分鐘便成。
香芒鴨胸
需時：10分鐘
價錢：$30/4人
材料：即食煙鴨胸1件、芒果1個、檸檬汁少許、檸檬皮1/2個、糖2茶匙、粟粉1茶匙、水2湯匙
做法：煙鴨胸放入微波爐大火叮5分鐘，切件上碟；1/2芒果攪成茸，加入檸檬汁/檸檬皮/糖/粟粉/水攪勻成汁料，中火叮2分鐘，取出攪勻再叮1分鐘，淋於煙鴨胸上，餘下1/2芒果切片伴碟。
菜膽餃子
需時：30分鐘
價錢：$30/4人
材料：免治豬肉/白菜（切碎及揸出水份）/上海餃子皮各100克、上湯2杯、小棠菜3棵
醃料：鹽1/2茶匙、糖/薑汁各少許、生抽/油各1茶匙
做法：免治豬肉醃10分鐘，與白菜拌勻成餡，用餃子皮包好；將餃子/上湯/小棠菜放入微波爐大火叮8分鐘。
雞茸紫菜羮
需時：20分鐘
價錢：$20/2人
材料：雞肉100克、粟米2湯匙、日本紫菜2塊、上湯2杯
醃料：鹽1/2茶匙、薑汁少許、生粉/生抽各1茶匙
調味：鹽1/2茶匙、胡椒粉適量、粟粉2湯匙、上湯3湯匙
做法：雞肉用醃料醃10分鐘，然後連同粟米/上湯，放入微波爐大火叮8分鐘；之後加入紫菜/調味料，中火叮3分鐘；取出以木勺攪勻，再叮2分鐘即可。
肉絲海參蒸豆腐
需時：15分鐘
價錢：$25/4人
材料：日本豆腐1磚、肉絲/海參（已浸發切絲）各100克、水1湯匙、生抽少許
醃料：鹽/糖各1/4茶匙、生抽/油各1茶匙
做法：肉絲用醃料醃10分鐘，加入海參/水拌勻，放入微波爐中火叮3分鐘；豆腐放碟上，肉絲/海參置其上，中火叮5分鐘，最後淋上生抽調味。
微波爐小貼士
攤平食物分幾次叮
前排新聞話有人將雞蛋隔水擺入微波爐叮，以致發生意外；其實，微波爐是既安全又方便的無火煮食工具，跟一般家居電器一樣，只要使用得當就不會有問題。除了雞蛋不宜連殼叮之外，更要留意使用特定的器皿，千萬不要用金屬食具，以下還有一些使用上的小貼士：
1. 平均放好：微波爐的能量有一定穿透力，切勿將食物堆成一堆，應平均攤放於食具上才叮。
2. 中途攪拌：叮食物時，不妨中途拿出來攪拌一下再叮，這樣可令食物內外受熱更均勻。
3. 容器口要大：容器口太小的話，食物很易滾瀉，而且難於受熱。
4. 隔熱護手：要取出叮完的食物，應先戴上隔熱手套，以免灼傷。
5. 通風位置：微波爐左右前後應留約10厘米距離，以便通風散熱。
6. 用完即抹：取出食物後，宜即時清潔爐內，可延長其壽命。
7. 檸檬去味：若有異味，不妨放入檸檬皮或橙皮叮約2分鐘。
