近排隱形富豪鬧得滿城風雨，各大傳媒爭相𢱑料，卻忽略了另一位人氣富豪嘅報道。本報收到內幕消息，指來自瑞典的80歲富豪（洋名Volvo）已秘密抵港，但由於作風低調，加上避免整容後靚樣曝光，故富豪抵港後亦盡量避見傳媒。本報獲得秘密線報，於其隱蔽住所拍得珍貴照片，更將呢位已改名C30嘅富豪後生靚樣，裏裏外外來個直擊報道！
記者：周達之
攝影：楊錦文
模特兒：King
新車速蘋
VolvoC30 $298,000
．外形俊朗了不少
．220匹馬力相當充裕
．安全性特強
．內櫳設備較平凡
．略嫌天窗稍細
年輕外形靠整容
富豪外形年輕俊朗，但原來他這副煞食面孔，是透過整容得來。翻查以往資料，富豪早在1927年出世外形一向沉實，絕不能以年輕來形容，但經過大修之後，雖仍保持其家族輪廓，但其線條已變得流線優雅，不再是以往的四方臉。另外，其頂部結構改為傾斜式，看起來充滿動感。側面由前部開始向後作水滴式收窄，髮尾翹起的定風翼盡顯野性，而頭頂的那支鯊魚鰭更是神來之筆，不過說到整容整得最厲害及最吸引的，就肯定是臀部，那臀部圓渾有勁，尾部打開後相當寬敞，有364升容量，大大的尾喉從後伸出，向人暗示那虎虎有勁的優越性能。
內涵簡約不浮誇
本報記者嘗試窺看年輕富豪的內涵，覺得其內涵未如外表般奢華，或許可以平淡來形容，標準配備只有CD播放機，顯示屏仍採用單色LCD，當然亦沒有輔助泊車的尾部攝錄鏡頭，相信年輕富豪此舉是為了自降身價，令自己更能接近群眾。駕駛艙方面，由於設備傾向簡約，所以空間更多，前座舒適，只是由於是雙門設計，車身長度亦較短，故後座乘客不可說相當舒適，然而這亦是一般雙門車的共同特性，所以亦不能過份挑剔。此外，頭頂部份設有天窗一個，晚上與這年輕富豪走到山頂曬月光，相信亦極富浪漫情懷。
浪漫激情背後，年輕富豪亦不忘體貼保護，隨身帶備正面及側面安全氣袋，亦設有頸保護系統、IC充氣簾、SIPS側面碰撞保護系統，萬一意外降臨，亦能避免搞出人命。
愛上那沉默個性
說到性能，可說是年輕富豪的強項，在追逐飛鵝山一段，更能深深體驗那抑壓已久的激情；輕踏油門，轉數錶馬上飆升，動力從後源源不絕，而且力度節奏平穩，波段轉換時亦十分順暢，毫無窒步感覺。避震方面，或許為標榜其運動性，感覺上那條懸掛比其他型號稍硬，令彎路穩定性提高，而相應地路面感亦較強。年輕富豪的體重是十分標準的1,422kg，高速行駛時亦馬步穩健，沒有飄飄然腳浮浮之虞。至於行車噪音方面也有不俗的表現，風噪微弱，於夜半無人私語時，這份沉默更顯得無聲勝有聲。
目擊者意見
《X果日報》記者周X之
無可奉告，我淨係知佢靚仔咗啫，臀部大整容之後成個後生晒！不過設備咁齋賣成30萬，連泊車Sensor都要加錢，唔多啱我呢啲算到盡嘅窮人。
資深司機 Billy（化名）
我乜都唔知㗎，不過我覺得佢成個樣變得後生好多，我都未見過有富豪可以好似佢咁年輕有型，聽講話以後所有富豪都行呢條路線喎。
VolvoC30規格
引擎：2,521c.c.直5汽缸 20氣閥渦輪增壓
馬力：220hp/5,000rpm
扭力：320Nm/1,500-4,000rpm
傳動：5前速自動波
車輛提供：VolvoCarsHK（29273388）
前世大起底
Volvo多以4門豪華房車居多，少有推出年輕人愛戴的雙門揭背車，而對上一部雙門揭背車是480型號，有3款引擎供選擇，新舊對比下可見其外形有相當大改變。
早啲有C30唔使咁瘀皮!
諗起6、7年前，屋企買咗架Volvo，所以我都揸咗一排富豪，雖然車齡超過12年，不過歐洲車＋Turbo，表現仲叫有心有力。令我不滿嘅，係試過同一日出入旺角兩次，一泊低就有差佬走埋嚟「SayHello」，身邊女伴睇住我「熄匙、車牌、身份證」，真係咩浪漫氣氛都破壞晒！家陣係咪後生仔唔揸得富豪先?唉，若果早啲有專攻後生仔嘅C30，我就唔使咁瘀皮啦！