摩根士丹利全球首席經濟師羅奇經常為中美經濟把脈，有一定江湖地位，華華要恭喜佢事業更上一層樓。羅奇噚日被擢升為大摩亞洲主席，接替退休嘅文禮信，羅奇將於6月卸任現職，9月嚟香港坐鎮。
羅奇噚晚越洋跟本港傳媒通電時話，非常高興得到呢個機會，佢將會係大摩喺亞洲區嘅高層代表，與政府、監管機構同客戶都要打好關係。佢下星期又會嚟香港一趟嘞，其實過去十年，佢每年都嚟亞洲三四次，應該好熟悉各地風土人情。
雖然佢經常到中港兩地，但原來唔係咁識中文，佢笑言，要向27歲嘅女兒學吓普通話。至於外國人最怕香港空氣污染問題，佢就唔係咁擔心，不過佢喺空氣污染出名勁嘅洛杉磯長大，當然希望香港空氣質素有改善，咁嚟住都住得健康啲嘛。
[email protected]