對娛樂圈情有獨鍾嘅殼王，有名你叫，得隻殼都可以食到爆棚，咁佢檔娛樂事業旗艦漢傳媒有殼有肉，理應可以食到大茶飯，但除咗舊年將收費電視拍埋now度，叫做威過一陣，之後就算搵張承勷睇檔，都好似搞極唔起。
Anyway，𠵱家殼王已經將漢傳媒付託畀香港最賺錢嘅導演王日祥──即係王晶！
晶哥剛剛坐正兩個月，暫時冇咩實質大計講到，簡單啲講，佢會既審慎又openmind去幫公司搵銀，至於佢個人的trackrecord同風格，絕對唔會對公司構成任何影響……即係唔會cheap。
查實晶哥成日俾人話爛片之王，但換個角度睇，人家霉到暈嗰陣，佢仲有戲開，搵真銀，今時今日，《精裝追女仔》都仲有大把人翻睇再翻睇……大家不妨拭目以待，睇睇佢搞上市公司又有咩符fit。
[email protected]