車版嗰個肥仔記者Dennis,噚日朝一早Call我落街飲茶,仲話喺上海車展有奇遇㖭!佢話同去年採訪深圳車展相比,參觀上海車展嘅車迷確實有禮守規矩得多,至少唔會俾小朋友喺場入面跑嚟跑去、唔會隨處亂拋垃圾、又或者係聯群結黨喺場內大聲喧嘩等等,聽落好似幾OK喎。
之不過原來仲有下文,話說車展舉行首天,Dennis同幾位行家走到Volvo展館旁邊嘅工作坊,將喺會場入面影到嘅新車相片同埋有關稿件,趕住用電腦Send返香港嗰陣,相中呢位蓄有鬍子嘅男士,二話不說便睡在工作坊嘅沙發上,唔少參觀人士途經見到都對他指指點點,就連Volvo一班外籍工作人員都擰晒頭!唉,聽完之後,我覺得嗰度話晒都係國際車展嘅舉行場地,而且有好多外國人參觀,咁樣咪盞令自己同一班同胞蒙羞,要瞓的話請回家吧!
悠穎馳
豪邁不羈,愛車如命,聽幾下引擎聲就知咩車!