老友記在澳洲租了架Camry暢遊大地，在公路開行140km/h，高呼好爽。剛巧香港在個多星期前亦推出限量版黑色Camry，首日已售罄首批限量20部，現接受再預訂服務。此代Camry之所以受歡迎，皆因其設計年輕化，漸漸吸引到一批後生仔女垂青，尤其屬上班一族嘅OL，Camry豪華舒適未算最大賣點，最緊要日常返工、閒時郊遊做吓運動、更甚係放工後踩落商場搏殺掃貨等，都一一應付裕如，啱晒心多多嘅OL。
記者：陸伊琳
攝影：陳盛臣
模特兒：Vanko（Jamcast）
化妝師：IceYe（[email protected]）
鳴謝：海港城
改成熟外形 轉攻年輕客
新一代Camry在設計上大膽地走向年輕化，效果相當不錯，一班公司、行政人員客路既沒有流失，亦吸納了一班年輕客。踏入07年，豐田Camry銷量可謂一枝獨秀，統計2月農曆年假前後行內賣車銷情雖稍回落，一眾同級日本車成績未見突出，惟Camry再一次登上榜首位置。最近4月頭，代理專誠在日本引入純黑別注版Camry，首批限量20部，一出即售罄。
純黑別注版 首批速沽清
現貨雖售罄，喜歡的車迷仍可預訂，不過就需要時間等架車運到港。黑魂Camry受歡迎絕對可理解，其一是近年黑色車系份外好賣，就連明星都喜用黑色的車，此外，別注版以原價推出，$216,360起，同一個價錢，有額外特別配飾，當然抵!別注版最特別之處，黝黑的車身配上閃爍電鍍鬼面罩、門柄及窗框，車廂內的錶飾亦貫徹黑的主題，感覺極Cool，一洗大型豪華車老餅感覺。
返工放假 一樣用得着
雖設計年輕化，但不減其豪華形象，很合行政人員選用，加上黑色易襯衫，女性用家份外鍾情；由專業返工Look、平日ShoppingCasualWear、放假消閒運動服，一樣襯到。試車當日我們乘機Shopping運埋戰利品，大大的車尾箱，多多都載得落，再者做埋衣帽間，放埋運動服裝，一放工走去做Yoga都得。車身雖大，但操控睇位亦容易，大大個側鏡，幫助了嬌滴滴的女司機。此外，行車時亦很寧靜，隔音亦很好，是部豪華、型格、實用兼備的車。
Camry不但在外地飛奔沙漠、橫跨高速公路表現優秀，就算喺香港呢類大城市，人多車多燈位多，停車、起步反應迅速兼順暢，好適合香港年輕女仔揸。加上內櫳一應豪華設備，堪稱舒服代步之王。
純黑Camry2.4規格
引擎：
2.4公升直四汽缸
馬力：
167ps/6,000rpm
扭力：
22.8kgm/4,000rpm
傳動：
五前速半自動波，前驅
查詢：
28661020（皇冠汽車）
售價：
$216,360起（2.4版）
$315,360（3.5V6版）
海港城免費泊車優惠
尖沙嘴是Shopping的熱點，試車當日亦在此一試人多車多時，又停又開的表現，這樣才夠實際、生活化。雖然我同Model都「寓工作於娛樂」，掃貨掃到忘晒形，幸好海港城提供免費泊車優惠；逢星期一至四（假日除外），於海港城任何商戶消費滿$200或以上，即可享有2小時免費泊車及獲贈「1小時免費泊車券」兩張。
順便提提你，明天便是國際秘書節，由即日至本周五，於商場內任何食肆消費滿$200或以上，即可免費換領1項指定美容化妝服務或產品，各位秘書即管開車來瘋狂Shopping，慶祝一番。
詳情查詢：21188666（海港城）
