從來孝順父母都並非父親節或母親節才做的事，同樣我們都不會只在所謂的「世界閱讀日」才看書，所以在今天這個第十三屆世界閱讀日的日子，我們不會跟大家講甚麼十大好書、最暢銷書排行榜，而會跟大家介紹得意有趣的書籤、書套、bookstand、甚至書形的東西，一於全部書晒佢！愛看書的你可要留心看看，哪一款書的配件最適合你的書喇！
記者：黃若茵
攝影：譚盈傑、周旭文
模特兒：Algie
書套幫你KeepSecret
如果你坐過日本地鐵的話，不難發現車廂中看書的人，都愛用書套把書包住讓人無法知道他們在看甚麼書。香港人雖不常這樣做，但仍可找到不同size的書套，如一些透明的膠書套，只要在內夾張靚花紙就可令書套千變萬化。當然，書套最基本的功用是保護本書，順帶亦替你保守秘密，想睇鹹書？無有怕啦！
華麗書籤送禮至啱
我份人比較求其，於家中見到有甚麼紙張或扁身的物體就會拿來當書籤用，其實朋友都曾送我不少靚到唔捨得用的書籤，都係時候回禮，最近見到不少用鏈、金針或皮繩製成的書籤都華麗非常，用作送禮最適合。另外放大鏡連燈就最啱送畀長輩，唔使戴老花鏡都睇到書啦！
人形Bookstand最盞鬼
想書櫃書架整齊企理，可以搵「人」幫手，不過呢個「人」唔係老婆女友或工人，而係搞鬼的人形bookstand！睇落呢啲人形bookstand好似無乜力，其實個個都有咁上下磅數，幫你頂住本書一定無問題。
書形趣致產品
大家真的很愛書，除書的配件設計花心思外，書這個外形亦常被用到其他產品上，同樣夠趣味搞笑。
睇書Snap
何時何地都睇書
黃小姐：「坐車或喺屋企都會睇，鍾意較知識性的書如投資、動物、烹飪等。」
方小姐：「其實比較鍾意臨瞓前睇書，呢排愛飲中國酒，所以睇相關的書。」
Steven：「約食飯等朋友時通常會邊睇書邊聽歌，喜歡故事性強的小說。」
唐小姐：「返工坐巴士多數有位，唔太眼瞓時就會睇書，最近多睇英文書。」
今日紀念莎士比亞
為甚麼有這個世界閱讀日？當然為了鼓勵大眾讀書及寫作，同時宣揚及加強版權意識。而定在4月23日這個日子，是因為無人不識的文學家、劇作家莎士比亞便是在差不多400年前的4月23日逝世。為響應此閱讀日，香港便推行了「全城閱讀10分鐘」的活動，雖不見有甚麼宣傳活動，但我相信不少香港人每天並不只閱讀10分鐘。另外英國、西班牙、南韓、日本等都有不同的活動慶祝這個節日。
Shoplist：
（a）city'super25062888
（b）homeless27801363
