女模「迷迭香」以前做親嘢都俾佢阿媽控制住，本來關仁好同情佢，不過呢排佢阿媽唔再理佢，關仁先知佢阿媽管佢係有道理。
行性感要加錢
迷迭香呢幾個月自己接嘢做，唔係遲到就早退，啲衫性感少少又唔肯着，又話要加錢先肯，有時人哋套衫靚啲，又要着人哋嗰套，試問今時今日咁嘅工作態度，又點得呢？
以前迷迭香阿媽成日教佢工作態度一定要好，唔好得罪客戶，佢今日先至有咁多客，但𠵱家迷迭香擺晒款，吓吓對啲客人黑口黑面，態度惡劣，應酬又唔肯去，同阿媽以前話乜就乜嘅態度，簡直判若兩人。如果佢仲唔好好檢討一吓，睇怕佢嘅前途都危危乎咯！
Textby關仁