正所謂謀事在人，成事在天。一個人投資嘅命運，係咪天生注定？星座同炒股成功有冇關係？網友「偵察兵」將佢嘅研究心得，鋪喺《至言財經》公諸同好。
金牛座──沉穩、有耐性，又有財星保佑，好運源源不絕，長揸、短炒皆宜。
雙子搖擺難贏大錢
雙子座──非常聰明，但個性搖擺不定，追求多變，正是投資大忌。
巨蟹座──成日冇安全感，寧願將錢買基金，甚至儲入銀行，都唔想冒風險，投資只佔個人理財好少部份。
獅子座──性急，要佢冷靜研究先出擊入市，幾乎冇可能。之不過，富貴對於佢哋如浮雲，但權力、名利更緊要！
處女座──有精算師一樣嘅頭腦，數口精動作又靈活，奉行「價值投資法」嘅股神畢菲特就係成功例子。
天秤座──比較懶，最鍾意聽八卦消息，問人有乜料爆，講到睇圖表技術分析就耍手擰頭，所以好多時投資都係失敗收場。
天蠍座──意志堅定，即使炒燶股票，都可以企番起身，只係比金牛座嘅人稍微心急少少，培養耐性就得。
人馬座──粗心大意，又衰衝動，最好都係咪掂股票啦。
山羊座──本質唔錯，佔有慾又強，幾啱投資，之不過幸運程度麻麻，挫折不斷，但堅持到最後，一樣有大成就。
水瓶投機容易誤事
水瓶座──最叻交朋結友，又天生一副精明眼，經常發現被市場低估嘅股票，但經常耍小聰明，投機心態要改吓！
雙魚座──對市況異常靈敏，但投資手法略欠穩健。
白羊座──冇耐性，適合短炒，長期投資興趣唔高。
http://www.ckkm.com
報料站
歡迎提供網上財經趣聞，資料一經採用，酬100元。
請附姓名、電話及電郵地址，交[email protected]