近呢十年，「北上」可以話係一個最持久不退嘅trend，師奶上羅湖城掃A貨；MK少年上深圳喪蒲；而麻甩佬呢？除咗上去證明自己「唔滾唔知身體好」，好多仲包番一兩件北姑，食住家北菇雞飯！
好似近排幫公家機構講說話嘅廠佬「王小二」咁，由出道到𠵱家，個樣正氣過文天祥，講嘢又溫柔，總之係絕種住家好男人嗰隻，咪一樣學人喺上面包二奶，之但係，以佢咁嘅身家地位，梗唔會同啲平民中港司機一齊，響咩東門、沙角呀咁咁包啲平嘢，地點ofcourse係男人天堂──上海啦！
樣樣掂令人眼紅
黃埔灘小探子話，響各大夜場基本上冇見過「王小二」嘅蹤影，而佢斷正俾人撞到嘅，係有gradeA二奶屋苑之稱嘅「咖喱華庭」！
點解會俾人爆響口？冇嘢嘅，鬼叫你平日係正氣嘅上市公司主席，喺廠佬行頭極有江湖地位，又坐吓啲政府官職位咁，總之好多廠佬已經眼紅佢好耐，咁大家響「咖喱華庭」呢個樂園一齊玩，佢條女都仲要靚過人哋，唔爆你，你話爆邊個好呢？
李華華
[email protected]