近排天氣乍暖還寒，好似上周五小弟夜嘛嘛唔瞓捧雲達不來梅場，雖然見證廸亞高一個60碼笠射，但就俾感冒菌入侵，所以勸各球迷深夜睇波，最好着番件褸。
今日推介場早啲嘅直播波，貪睇完波未夠1點，等大家可以安心瞓好覺。阿士東維拉主場對樸茨茅夫，表面睇維拉讓平/半好似好筍，點知維拉今季主場對前列球隊，都有入波恐懼症；對阿仙奴、利物浦、車路士、曼聯都入唔到波，只係入過愛華頓同熱刺1粒，今次對第7嘅樸茨茅夫，又何得何能讓波呀！
讓球：樸茨茅夫（下盤）
心得：維拉對親強隊都腳軟
牽牛
精通各種賭法，發覺賭「讓球」先係王道，每日一棍希望有得發。