呢排天氣熱番啲，搞到個人都冇乜胃口咁，食唔落會影響健康㗎嘛，一於要諗計，趕走口淡淡嘅感覺，不如搵泰國大廚幫吓手，整番幾味酸辣醒胃菜，讓味蕾重新振作啦！
記者︰王俊榮
攝影︰周旭文
Model︰Ada@TheGroup
泰式柚子沙律
需時：10分鐘
價錢：$25/3人
材料︰蝦4隻、雞絲2両、西柚1/4個、香草8條（切碎）、魚露/椰糖各2茶匙、辣椒4隻（切碎）、青檸檬2個（榨汁）、炸亁葱/洋葱絲各少許
做法︰蝦肉去殼去腸灼熟，雞絲灼熟，加入西柚/香草/魚露/椰糖/辣椒/青檸檬汁撈勻，最後撒上炸亁葱/洋葱絲。
知多啲︰柚子沙律屬泰式傳統前菜，入口清香微酸，開胃醒神。
冬蔭海鮮炒飯
需時：15分鐘（未計煲飯時間）
價錢：$40/3人
材料︰帶子/蝦各3至4隻、鮮魷1/2隻（砌片）、絲苗白飯1碗、青檸檬一個（榨汁）、辣椒2隻（切碎）、草菇2両（切片）、泰國醬油2茶匙、香蒜/香茅/鵝堤/金不換各少許（切碎）
做法︰先將海鮮炒熟，加入白飯、其餘材料/調味料以大火炒勻即可。
知多啲︰冬蔭功湯令人開胃，同樣做法用於炒飯上，香辣惹味又增加不少色彩，令人見到都想食。
野菌炒椰苗苖
需時：5分鐘
價錢：$20/3人
材料︰泰國椰苗6両、雜野菌4両（開邊）、魚露2茶匙、砂糖1/2茶匙、碎香蒜少許
做法︰滾水灼熟椰苗，加入雜野菌，大火炒3至4分鐘，最後落魚露/砂糖/香蒜調味，即可上碟。
知多啲︰椰苗炒完出水，上碟汁多較濕身，撈汁送飯一流。
羅望子醬海斑柳
需時：10分鐘
價錢：$40/3人
材料︰石斑肉8塊、羅望子醬3茶匙、青紅椒各1/3隻（切粒）、菠蘿2片（切條）、魚露/椰糖各2茶匙、香草4條（切碎）、洋葱/香茅/金不換各少許（砌碎）。
做法︰石斑煎至半熟備用；爆香青紅椒/菠蘿片/洋葱/香茅/金不換，最後將所有材料炒3至5分鐘即可。
知多啲︰以泰式香料帶出魚的鮮味，又不會像吃紅肉般飽滯。
泰國是一個熱帶國家，全年氣候炎熱，菜式調味多用上令人開胃的材料，青檸檬、辣椒、魚露都好常用。
青檸檬︰
青檸檬係最普遍食料，青檸汁更有獨特甘香酸味，能打開悶熱胃口，配合任何菜式皆能發揮特性。
辣椒︰
泰國辣椒出名夠辣，刺激味蕾，令敏感的舌頭興奮起來。
魚露︰
泰菜用魚露，不但能取代鹽調味，更令餸菜散發鮮魚香味，由嗅覺開始刺激食慾。
示範︰LannaThaiCuisine（25063303）
余師傅
