一班歌手前晚以80年代造型出席商台於廸士尼樂園舉辦的「903廸士尼突襲」活動，個個扮鬼扮馬，ONJ、米高積遜及湯告魯斯剎那間聚首一堂。造型最不切合80年代的衞詩，前晚坦言因天生頭髮稀疏兼經常漂染，故引致嚴重脫髮，相信她與走過80年代青春歲月的中年男士，有同樣的苦惱！
商台前晚於廸士尼樂園舉行「903廸士尼突襲」活動，讓一班歌手及DJ齊穿着懷舊服飾，一同緬懷80年代，歌手及DJ們先與廸士尼卡通朋友出場，其後眾DJ則穿上陳刀設計的服飾行騷，讓台下的歌手欣賞。
薛凱琪扮ONJ
梁漢文自言特地向蘇永康借來模仿《壯志凌雲》（TopGun）中，湯告魯斯（TomCruise）穿着的皮褸，加上一條蘿蔔牛仔褲，但看來較像《幾分傷心幾分痴》時期的王傑；鄭融自稱造型參照《家有喜事》中張曼玉飾演的何里玉，她說：「我本來想扮《勁舞》（FlashDance）嘅珍妮花貝兒（JenniferBeals），但我電唔到佢個髮型，後來覺得何里玉都好深入民心，咪整呢個囉。」薛凱琪扮的是OliviaNewtonJohn，而周麗淇（Niki）本欲向母親借舊衣服，但因尺碼不合，她說：「我媽咪啲衫只得22吋腰，連我家姐都唔啱啦，估唔到我阿媽後生係個飛女嚟㗎。」結果她穿了一套MarcJacobs的懷舊裙，Niki說：「我着錯年代，𠵱家似寶珠姐咁呀。」
「梳頭跌好多頭髮」
衞詩前晚穿着吊帶裙出現，懷舊氣息欠奉，她出道時已因髮線高而成為談論話題，當時衞詩避而不談，但近日又被指嚴重脫髮，衞詩前晚則坦白承認，她說：「出道到𠵱家俾人講過好多次，我一出世頭髮就薄，𠵱家每星期染一次髮，好傷呀，我都有做護髮㗎，𠵱家梳頭時跌好多頭髮落地下，我都有啲驚。」何不為拯救秀髮而不再漂染？衞詩說：「我唔想keep住一隻顏色咁耐，好悶㗎，會隔耐少少先染囉。」會否考慮植髮或向醫生求助？衞詩說：「我有問朋友，睇醫生要喺個頭上打針，我好驚呀，真係有效先會試囉，我都想頭髮健康啲，唔想俾人話甩頭髮㗎嘛。」
採訪：李珮洳
攝影：仇志德
