圖盧茲日前作客輸畀雷恩2:3，里昂踢少1場領先次席朗斯17分，故上周六已提早封王！里昂成為歐洲5大聯賽首支連奪6季聯賽桂冠嘅球會，但佢哋「隻手遮天」嘅走勢就令部份球星非常冇癮，巴西老將卡卡巴同門神哥柏，率先向英超球會送秋波；王牌祖連奴比南布肯奴亦拒喺本季完結前確定去向，睇嚟里昂下季隨時會大變身！