「小甜甜」龔如心本月初病逝後，連日爆發戲劇性的爭產事件，成為全城熱話。事實上這位亞洲女首富的傳奇一生，比電影橋段更曲折離奇，故有電影公司計劃開拍龔如心傳，有網民更發起哪位女藝人最宜演小甜甜的網上選舉，結果由36歲生鬼女DJ阮小儀大熱當選，被網友心水推舉飾演王德輝的森美更揚言「梗係拍啦」。
過往不少電影公司都曾以傳奇人物作為題材，亞洲女首富龔如心的傳奇一生，也觸發電影公司靈感。本月初，小甜甜病逝後，留下逾千億元的遺產，爆發一連串的戲劇性爭產風波，小甜甜02年曾立遺囑，大部份用作慈善用途，但日前風水師陳振聰透過律師，聲稱06年小甜甜立下遺囑，其遺產由陳振聰接管，據悉驕陽電影公司對開拍龔如心傳極具興趣，負責人徐小明對此也直認不諱。
如箭在弦
解決法律問題即開工
徐小明昨日接受本報記者電話訪問時說：「小甜甜係個好傳奇嘅人物，公司已經有人提議拍，驕陽好有興趣開，小甜甜嘅遺產會引發爭產案，牽涉幾代人，會係好精采嘅故事。不過嚟緊佢嘅遺產案可能會有法律上嘅問題，可能有爭產官司，要仔細考慮有冇影響，如果法律上嘅問題解決到，我哋非常有興趣拍。」
雖然有電影公司肯投資開拍，但要物色符合飾演龔如心的人選也十分頭痛。近日有網民在香港討論區發起由那位女藝人宜演龔如心的投票選舉，結果由細細粒的生鬼女DJ阮小儀大熱當選，拋離被選為第二及第三的衞蘭和汪明荃幾條街，成為網民心水之選，同時網友更推介與小儀合作無間的森美飾演王德輝。
由於小儀身在日本，至截稿前仍未取得聯絡，但森美昨日聞悉後即表示如有人找他飾演王德輝也樂於演出，森美透過電話說：「證明我同小儀嘅情侶檔形象太鞏固，我因此有啲擔心小儀嘅婚姻，會令所有男人都覺得佢老公應該係我先啱，真係非同小可。」
樂意參演
森美：有得做㗎
森美表示若要他和小儀分演王德輝與小甜甜，他們可以勝任，他說：「小儀有小甜甜嗰種可愛感覺，佢本身一樣係年紀大又cutie呢。我對王德輝就唔多認識，因為佢失蹤時我好細個，不過睇番相佢似個老實穩重嘅人，好唔似我囉，但我覺得咁樣反而有嘢可以演吓。」森美又稱如有電影公司開拍小甜甜故事，他願意參演：「梗係拍啦，佢哋嘅故事係香港嘅傳奇，有驚險有愛情，𠵱家仲有傳王德輝未死，加少少神化同神秘感，好有趣，有得做㗎。」
不過，導演李力持卻表示自己對開拍龔如心傳興趣不大，他在電話中說：「𠵱家呢類題材電影邊度有興趣㗎！𠵱家潮流興拍舊嘢，好似《投名狀》咁，我自己對呢啲太現實嘅電影冇乜興趣，因為冇乜想像空間，而且會得罪好多人，好多人會唔鍾意，好麻煩嘅。」
採訪：葉
最高蘋嬸
小儀的的骰骰，唔算天姿國色，但行親民都可以贏盡網民心，證明佢真係有「食」力！
蘋果娛樂特派評述員蘋嬸
