若要人不知，除非己莫為，國米前鋒阿祖安奴上場意甲對羅馬「插水」博12碼博得咁過癮，經查明後，十足十大宇汽車撞入狐妮屋事件一樣，斷正！「阿祖」被秋後算賬罰坐波監，應有此報。
基爾禾可勝利禾奴
掉返轉講，如果無做錯事被屈，總有水落石出嘅一日；好似基爾禾中場森馬高，上場對拉素明明俾比哈美用「愛心頭槌」頂中，點計都無理由要陪人一齊被罰出場，張紅牌自然打得甩。
森馬高逃過大難，希望基爾禾同佢一樣有後福，今晚可主場砌低利禾奴。藍鑽石喺度講過好多次，利禾奴每逢到下半季都古靈精怪，避得好避，但今次咪諗得咁複雜，信基爾禾要護級，利禾奴踢風流波，一於富貴險中求。
主客和：基爾禾勝
心得：此「禾」不同彼「禾」
藍鑽石
愛意大利波、去意國渡蜜月、囡囡與簡拿華路同日生日。