莫文蔚昨日在九龍城香港飛行總會出席「飛向自由」活動，她是受王敏德邀請，擔任客席副機師，王敏德則以航青團形象大使身份駕駛直升機，接載難民家庭體驗飛行樂趣。完成接載任務後，王敏德就載着莫文蔚翱翔天空。
感覺震撼
首次坐在副機師位的莫文蔚說：「（坐機師位）睇嘅嘢都特別靚，感覺好震撼。雖然我唔識控制，但都有機會揸住控制桿，好似自己喺度打緊遊戲機咁。坐吓直升機就好玩，叫我去學就唔夠膽，我連揸車都唔係好敢㗎。」
原來莫文蔚的夢想是擁有私人飛機，她說：「坐飛機要排隊又要等checkin好嘥時間，有私人飛機想去邊都得，隨時話想去巴黎就可以飛，好high。」
採訪、攝影：魯萍