談到情史，25歲的陳法拉拍過三次拖，還坦言在美國讀書時也曾拍拖，與愛侶一同讀大學，天天在校園見面，跟一般情侶無異，puppylove戀情總是很快告終，回港發展後她漸漸適應生活，開始接觸香港男士，法拉覺得香港男士很有禮貌，只可惜她仍未覓得合意對象，對於擇偶條件，她坦率地說：「冇乜條件㗎，又唔係做生意，講feel囉，最緊要有安全感。」
自問唔溫柔
遠的不談，就談最近合作《溏心風暴》的對手陳豪與黃宗澤，法拉先後被指介入陳豪與廖碧兒、及黃宗澤與胡杏兒之間，正所謂無風不起浪，外間自不然認定她電力逼人，身邊男士容易觸電，她卻斬釘截鐵謂：「我自己都唔知點解，一向都好少男仔追，我冇一種好溫柔女性感覺畀男士，亦唔鍾意打扮。」
法拉又以互相關照來比喻自己與陳豪及黃宗澤的關係，她說：「我哋合作OK，大家又同公司，一齊拍劇，佢哋都係飾演我哥哥，大家只係互相幫忙，佢哋知我廣東話唔好會教我，陳豪對我哋好似大哥一樣，稱得上係好細心，而Bosco（黃宗澤洋名）個人就搞笑啲，鍾意搞吓氣氛，係大細路。」