多得金豬年，今年特別多BB出世，各位媽咪當然緊張寶寶一日幾餐嘅飲食，又怕佢餓親，又怕佢食壞肚皮，阿媽真係唔易做㗎！今日都要順應吓BB潮，煮幾味BB菜，話晒佢哋都係社會未來棟樑，佢哋食好啲，叻啲，大個咗貢獻番社會，人類嘅未來至更有希望……
記者：趙珮倩
攝影：周旭文
Model：ConradAdams
示範：東涌讀者Cindy
芝士合桃三文魚包
需時：15分鐘
價錢：$50/4人
適合2歲或以上
材料：挪威三文魚100克、中東包2塊、粟米粒80克、青紅椒各1/2個（切粒）、合桃肉20克、蒜茸1茶匙、牛油1/2茶匙、芝士1片
做法：三文魚洗淨切小粒；燒熱鑊，以牛油/蒜茸爆香三文魚，加入粟米粒/青紅椒粒炒勻，熄火後下合桃肉拌勻，釀入中東包內，最後放入適量芝士即成。
知多啲：三文魚含豐富DHA及EPA，可助幼兒腦部發育期的記憶力和專注力的發展。
營養怪獸通粉
需時：40分鐘
價錢：$25/2人
適合15至24個月
材料：牛肉2両、細番茄1個、紅蘿蔔1/2條、青豆適量、怪獸形狀通粉1/2碗
做法：燒滾3碗水，下通粉煮沸，熄火焗20分鐘，瀝水備用；番茄/紅蘿蔔去皮切粒備用；牛肉洗淨切肉碎備用；注入4碗清水於煲內，燒滾後放紅蘿蔔/番茄/青豆煮15分鐘，然後下牛肉/通粉，滾起即成。
紅黃綠豬肉粥
需時：1小時
價錢：$18/2人
適合6至15個月
材料：紅蘿蔔1/4條、豬肉3両、西蘭花1/2棵、粟米1湯匙、米40刻度米量杯、熱水1碗
做法：紅蘿蔔/西蘭花切細柆，豬肉剁碎；米放鍋內，注入熱水，下肉碎煮熟，再下紅蘿蔔/西蘭花/粟米，待煮成粥即可。
知多啲：BB6個月大，腸胃開始成熟，可以嘗試食粥，每次可加入一種食物如肉碎、蔬菜，吃3至4日沒敏感徵狀，才試加另一種食物。
南瓜米糊
需時：30分鐘
價錢：$15/1人
適合4至5個月
材料：南瓜1小件、奶粉3量匙、米糊2至3量匙
做法：先將南瓜隔水蒸20分鐘，煮熟後壓成茸；以1安士熱水混入2安士凍水調成暖水，下奶粉調勻，加入米糊拌勻至稠身，最後下南瓜茸拌勻即成。
知多啲：南瓜雖含豐富維他命C同胡蘿蔔素，但要留意BB若吸收過多胡蘿蔔素皮膚會變黃。
BB唔好飲牛奶？
有報道指BB飲牛奶會有損腸胃健康，兒科醫生李家仁解釋，基本上所有人最初開始都可以飲牛奶，不過漸漸長大後，便會缺乏一種乳糖酵素，無法消化牛奶中的乳糖而導致肚瀉。BB對牛奶和奶粉都有機會會敏感，但奶粉含DHA、鐵、鋅等營養素，所以會比牛奶有益，建議幼兒1歲之後才飲牛奶，而且應飲全脂奶，毋須低脂或脫脂。此外，某些食物如花生、雞蛋、魚、蜜糖等都容易令BB腸胃敏感，宜1歲後才進食。
