繼徐步高穿着去打劫的美津濃波鞋廣受議論後，隨着小甜甜千億遺產花落誰家日日見頭條，話擺風水局向神明求助，令坊間掀起一股風水玄學熱潮，並蔓延至網絡上。網友Indy徵詢網友，「學風水命理，應該由邊度着手？」網友的第一反應是「都趕唔切啦，如心已經離開咗。唔通你想等第二個如心？」儘管Indy強調自己是真心想學的，卻遭網友「潑冷水」說：「冇人信你。」
儘管版主Indy強調，學風水命理只想幫自己和朋友睇睇而已，覺得順天應人，生活都會好過一點，但網友卡通人物仍不懷好意地問：「想繼承家產？」弄得Indy幾乎發火，「頂，我真係想學嘢㗎！」網友卻回應說：「冇人信你。」有網友進一步指出「我覺得啲風水佬都係亂噏，不過最緊要係學多啲四字成語，唔係亂噏都唔掂！」
正當Indy失望地說：「我出完post先發覺，問得唔啱時候。」海月卻認真地答：「最基本都係天干地支、兩儀四象八卦啦，最少記熟佢哋嘅名同排列，同佢哋每一粒字代表啲咩嘢，仲有廿四山代表嘅方位。」
太沉迷反增壓力
天空之藍說：「香港人急，想食即食麵，以為上幾堂就會突然變高手。心急，甚麼事也不會成功。」空中少爺則稱：「我覺得啲風水佬個個都係昆人，咁勁自己擺吓啲陣都發咗達啦！使呃埋呢啲陰騭錢咩？呢啲嘢都係唔好信太多，太沉迷反而會增加壓力。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]