謝天華噚日出席喺奧海城舉行嘅《全港極速戒煙大賽》，喺五星期內成功戒煙嘅佢獲大會頒發「最聽教聽話大獎」，佢話呢段時間有兩個女仔令佢最驚，佢話：「就係營養師同藥劑師，每日都要報告畀佢哋聽食過啲乜嘢，中途都試過偷食（煙）。」天華遲吓會同陳小春一齊接拍清裝戲，佢仲話會叫埋對方一齊戒煙喎！