前排煲日劇，認識咩係脊髓小腦萎縮症同色素性亁皮症，呢個世界真係有好多奇難雜症。先排拜仁嘅德國中場舒韋恩史廸加個膝頭腫咗，聽聞係蜱咬熱，雖則拜仁話唔係，但睇嚟「小豬」有排煩。
唔知點解德國球員同啲怪病特別有緣，好似史特加後衞巴布效力利物浦嗰陣時，就患咗吉巴氏綜合症，幾乎全身癱瘓；雖則醫好咗，但就踢唔番自己嘅水準，所以決定喺季尾掛靴。舒韋恩史廸加係德國足球嘅希望，但願佢吉人天相啦！
今日推介飛腳單W，點解？一個字，反！
主客和：大阪飛腳勝
心得：博反底
青蛙仔
型人一名，細細個就睇英國、德國波，大個就攻日本波。