巴塞隆拿美斯仔，幾日前喺西班牙盃，由半場開始扭過晒基達菲守將入波，即刻俾人拎嚟同馬勒當拿喺86年世界盃，為阿根廷射入英格蘭嘅金球做比較。
華度認為美斯仔呢球難得在，能夠喺球賽激烈性同防守意識上，都比20年前更緊迫嘅現代足球比賽中，做得出呢個入波；但兩者嘅比賽舞台,又有好大分別噃！
各擅勝場，其實冇咩好比較，只係一個茶餘飯後話題。希望今晚飯後，德乙格雷特霍夫順利開個「主主」，等華度下次有個新話題講下。
半全場：格雷特霍夫[主主]
心得：馬會操盤手「畀料」！
華度
貼士嘅嘢，邊有實贏？睇相佬就話我有運行，冇點你！