由一般散戶，修煉到擁有財經學識同經驗，可以自行分析股市走勢變化，再憑股票成交量感覺到莊家脈搏，做到一般人做唔到嘅事，係要經過唔同階段，經歷好多辛酸過程，唔係兩三句就講完。喺蛻變過程中，有人富貴，有人一貧如洗，以下就係一個高人嘅自我總結，你又修煉到去邊個境界？
第一階段──彬彬有禮。
剛入股市，虛心求教，準備創一番大事業。
入門新手 自以為是
第二階段──沾沾自喜。
賺到啲錢，初戰告捷，諗緊發達夢。
第三階段──胡言亂語。
開始接觸技術指標呢啲炒股方法，埋頭鑽研圖表分析。
第四階段──少言寡語。
閉關修煉，刻苦用功，唔想俾人哋分享自己嘅辛苦成果。
第五階段──豪言壯語。
自以為掌握市場真諦，願意分享成果，但最好嘅嘢，始終深深埋藏喺心底。
見山非山 過度階段
第六階段──聽風落雨。
上知天文，下知地理，喺敏感時候，對技術分析持否定同懷疑嘅態度。
第七階段──前言不對後語。
開始懷疑自己，一般人都會從此喺股市消失。
第八階段──沈默不語。
相信錯在自己，以局外人嘅眼光睇市場，堅持原則，擅於發現別人優點，同總結自己，以長線投資為主。
第九階段──戰勝自己。
有一套自己炒股嘅方法，識得止蝕。
最高境界 無為而為
第十階段──歡聲笑語。
達到炒股最高境界，無為而為之，功夫在形之外，股市只係人生嘅一個小小插曲。
http://guba2.eastmoney.com/ygzj ,1156952,guba.html