保頓領隊艾拿廸斯，早前日日聲聲話唔敢幫隊波打入前4，爭歐聯參賽席位，話怕球隊因為咁搞到應付唔嚟；但轉過頭又補充話：「有得踢都唔介意嘅！」結果近兩輪秩序，喺要力爭入前4嘅兩個大敵愛華頓及阿仙奴身上失晒分，𠵱家艾拿廸斯相信都係望繼續保住個歐協參賽席位好過。今周主場對住都算冇乜嘢好爭嘅雷丁，應該有力「反底」，可博贏1:0。
屈福特亦可謂現時英超中鬥志成疑分子，理論上都係降硬班嗰隻，雖然今輪對手曼城亦屬中游分子，但料兩軍都會開始為來季組軍做準備。屈福特就要諗定英冠班底，隨時出多幾個後生仔，睇下有冇可造之材。所以呢場真係可以秤高曼城多少，博呢支客隊贏2:0。
阿積士勢開「主其他」
明天荷甲，仍然要望力爭冠軍嘅阿積士，由於暫時喺得失球差方面，比兩大爭標勁敵燕豪芬及阿爾克馬爾較少，喺餘下兩輪秩序，相信阿積士將會搏命數糊，免得最後真係咁好彩，同其他兩隊同分，鬥得失球差鬥輸咗就唔抵啦。對手鹿特丹斯巴達料子一般，目前聯賽失球數亦係第2高，超過60球，呢場一於博「主其他」。
文：華度
波膽過關3串7
星期六16
保頓勝 1:06.5倍
星期六20
曼城勝2:0 8.5倍
星期日11
阿積士勝主其他 10倍
全中賠率782.75倍