美國近日發生震撼全球的校園槍擊案，令不少留學生的家人和朋友擔心不已，陳冠希（Edison）也不例外，他心愛的女友楊永晴（Vincy）就在彼邦求學，昨日Edison出席活動時，坦言連女友行路上學都令他很擔心，每日至少要通電兩次了解對方行蹤才能釋懷，着緊程度爆燈。
陳冠希昨日以代言人身份在半島酒店出席數碼相機發布會，大會安排他與四名靚女模特兒拿着相機行騷，不過即使有美相伴，Edison仍心繫身在異國的女友楊永晴。當主持談到相機推出不同顏色，可以送給女友時，Edison尷尬地笑一笑，然後說：「係呀……最好係影完相可以放上blog。」
「早晚想同佢傾偈」
台上台下均女友不離口，Edison接受訪問時表示與Vincy雖分隔兩地，但感情十分穩定，因此他可以更專注工作。談到近日美國發生嚴重校園槍擊案，問Edison可擔心Vincy在美國讀書的安全？他說：「都唔同地方，但我本身日日都會擔心佢，連佢平時行返去學校咁小事我都會擔心，何況前幾日咁大單謀殺案。」
問到會否要求女友隨時報告行蹤？Edison說：「我唔需要佢報到，我係以男朋友身份去關心佢，我只係希望早上同晚上同佢傾吓偈，知佢今日做過乜，呢啲係每個男女都想咁溝通嘅。」
薛家燕關心囝囝
此外，薛家燕（好姨）的兒子石耀庭去年到美國讀大學，故好姨也非常關注美國校園槍擊事件，昨日她在電話中說：「我睇咗新聞，我都係啱啱喺內地工作返嚟，我都會打電話過去提醒阿仔小心啲，其實呢啲嘢冇得防，最緊要校方注意學生安全。」
採訪：王崇穎
攝影：陳偉權
