香港樂壇的全盛時期，歌手一年可推出三隻唱片，可惜現時唱片業低迷，新碟銷量達到2,000隻已可喜可賀。麥浚龍（Juno）花了三年時間籌備的新碟，找了林海峰、草蜢三子和何韻詩五個他欣賞的「怪人」合作，推出的更不只是一隻唱片，而是一個品牌，接着還有一系列的時裝與首飾配合。
很多人對麥浚龍的印象不太好，覺得他家境富有才有機會做歌手出唱片，故出道時每次演出都引來噓聲。直至去年叱咤頒獎禮上Juno憑着《雌雄同體》一曲走上頒獎台，講出一直想講的說話，他說：「我要行嘅路會比人難行幾倍。」
新碟講人性
自此接受Juno的人開始多了，對他的偏見減少了，但他相信路依然不易走，Juno說：「人哋鍾唔鍾意我真係控制唔到，我開心嘅係頒獎禮之後有人接受自己，呢個係一個好開始。」
Juno為了籌備新大碟用了三年時間，他還作了新嘗試，整隻唱片都非情歌，他更找來林海峰、草蜢及何韻詩合作，想做一隻以人性為主題的大碟。至於找其他幾位歌手合作，Juno解釋是因為他們是「怪人」，他說：「林海峰、草蜢同阿詩係代表樂壇唔同嘅年代，喺佢哋嘅年代好多人會覺得佢哋比較怪，好似好多人都覺得我怪，加上我好欣賞佢哋，所以搵佢哋合作。」
出自家品牌
唱片製作期間，Juno到匈牙利錄音，又不斷與不同的設計師商量與「ChapelOfDawn」有關的時裝及飾物，他想推出的不只是一隻唱片這樣簡單，而是一個品牌。
今次有份與「ChapelOfDawn」合作的品牌包括美國品牌Jacob以及英國著名首飾品牌CrazyPig，另外更有mastermindJapan的設計師HOMMA等。
這又回歸到一個基本問題──錢，相信Juno這個構思會令人想到因為他有錢，所以才可做出一個大project，用三年時間製作一隻唱片，對此他淡然說：「我諗人哋點諗我真係冇辦法控制，其實大家諗真啲我上一隻碟冇乜宣傳，公司只係將啲錢集合埋落一個project度，唔係因為我屋企有錢而容許我咁做，屋企同工作係分開兩回事。」
採訪：李珮洳 攝影：林德雄
化妝：KhakiofMaeVanMakeUp
髮型：EdmondofPrivatei
場地提供：ClubPaparazzi
