林志玲早排為纖體公司拍攝新廣告，着上三點式擺出多個性感甫士，盡現完美體態，纖體公司今次仲特別為佢買重高達七位數字嘅保險嚟拍呢輯廣告，認真誇張。 拍完呢個廣告之後，林志玲就要殺入電影圈，拍攝吳宇森執導新片《赤壁》，所以佢話希望暫時「封咪」收起性感，全心全意向專業女演員嘅目標進發。