所謂一白遮三醜，然而一到夏天，陽光猛烈，女士們難免出盡法寶，防止變黑。搽太陽油往往只能治標，想肌膚天然亮白，不妨試吓「內服」美白菜式，多吃含有多種維他命如A、B、E、蛋白質、胡蘿蔔素等的食物，都有助改善皮膚質素，白裏透紅之餘，仲滑溜有彈性，咁至靚得徹底嘛！
記者：林佩婷 攝影：陳陶鈞
示範：沙田麗豪酒店意廊（21321235）
副總廚賴瑞雄
煎鵝肝配白酒蘋果陳醋濃汁
需時：15分鐘 價錢：$60/1人
材料：鵝肝2塊（約共100克）、青蘋果1/8個（去皮）、白酒200毫升、玉桂枝/黑醋/橄欖油/鹽/黑椒/麵粉各少許
做法：將蘋果放入白酒/玉桂枝煲滾，熄火浸5分鐘。鵝肝撒上鹽/黑椒後沾上麵粉，細火煎兩面約2分鐘至金黃色。上碟時，先以蘋果塊鋪底，放上鵝肝，然後灑上黑醋/橄欖油便成。
知多啲：蘋果水份及果膠含量豐富，可改善腸胃，從而改善皮膚質素。
火腿粟米芝士薄餅
需時：2小時 價錢：$40/4人
材料：麵粉500克、酵母粉10克、水250毫升、糖/鹽各5克、橄欖油50克、粟米粒20克、火腿粒20克、薄餅芝士150克、茄醬50毫升
做法：將水/橄欖油/酵母粉/糖/鹽拌勻，之後加入麵粉，順時針攪成粉糰，放置1小時待其發酵。之後切出約180克粉糰做成餅底，上面依次放茄醬/50克芝士/火腿粒/粟米粒/100克芝士，用底火280℃、面火220℃焗6至7分鐘便成。
知多啲：粟米含蛋白質、脂肪、多種維他命等，可令皮膚美白及有彈性。
意式香辣烤雞
需時：30分鐘 價錢：$40/1人
材料：春雞1/2隻（拍扁）、指天椒亁2隻（切粒）、鹽/黑椒/橄欖油各少許、蒜頭6粒（拍扁）、蔬菜少許（伴碟）
做法：燒熱鑊落橄欖油，先將有雞皮一面放鑊煎香，蒜頭放鑊周邊，煎時壓實雞肉面，細火煎5分鐘。反轉後於周邊加指天椒亁，同樣煎約5分鐘，最後加鹽/黑椒調味，上碟後以蔬菜伴碟。
知多啲：雞肉含蛋白質、礦物質及多種維他命，可改善膚色。
香草鮮番茄蒜茸包
需時：15分鐘 價錢：$25/2人
材料：法包4塊（烘亁）、番茄3個（切粒）、蒜茸2茶匙、意大利番荽/鹽/黑椒/橄欖油各少許、紫蘇葉4片
做法：法包塗上1茶匙蒜茸，倒上已混合的番茄/1茶匙蒜茸/意大利番荽/鹽/黑椒/橄欖油/紫蘇葉便成。
知多啲：番茄含維他命C、E，因含有機酸，即使煮熟也不易破壞維他命C，容易為人體吸收。
南瓜忌廉湯
需時：45分鐘 價錢：$20/2人
材料：南瓜1/2個（起肉切粒）、洋葱1/2個（切絲）、上湯500毫升、忌廉100克、鹽/油少許
做法：洋葱炒至金黃色後，加入南瓜炒至半熟，加上湯煮滾轉細火煮15分鐘，然後倒入攪拌機攪爛，再放入煲加忌廉/鹽煮滾便成。
知多啲：南瓜含豐富胡蘿蔔素、維他命A、B等。
其他美白食物
除上述食物外，其實還有不少食物可以幫助美白肌膚：
甘笋：含胡蘿蔔素，美白之餘還防止皮膚粗糙。
士多啤梨：維他命C除美白外，還可以改善腸胃，令皮膚有光澤。
奇異果：所含的維他命C可美白。
薏米：不但能美白，還可以去水去濕。
橙：除美白，還可增加抵抗力。
