上周戰友畢傑推介雷丁W，結果主場順利擊敗富咸，為投資特攻隊進賬不少；不過今周小弟推介富咸並唔係拗頸，而真係形勢唔同；富咸要護級，主場對住風流波布力般流浪，讓得起平/半啩。
牽牛
富咸新帥山齊士上仗首度領軍，就作客輸畀雷丁，好多人話佢冇料到；不過講真，富咸作客一向差到爆，雷丁主場和過曼聯，贏過熱刺，富咸全失3分並唔出奇，今次番到主場先至係山齊士「考牌作」。
布力般上仗大勝難作準
睇番富咸上場個陣，用番柏巴廸奧普同米高布朗打雙防中，以西蒙戴維斯同魯廸治左右側擊，前線打雙塔希古臣同麥比廸，呢個陣就正頭正路得多；加上韋根、錫菲聯等同級球隊，上周都搶到分，富咸一條心護級，今次主場出擊當盃賽決賽咁踢。
布力般上仗主場大勝屈福特3:1，好似好威，但屈福特對英超都採放棄狀態，唔代表布力般勁。布力般足總盃出局後，話就話聯賽要爭分，博來季仲有歐洲賽踢，但同前列已經有段距離，唔係咁易，而布力般今季作客倫敦認真差，先後對過車路士、阿仙奴、查爾頓等5支倫敦球隊，竟然全部輸晒。
布力般後防一向麻麻，攞唔攞到分，同美國門將費度上唔上身有好大關係，富咸特別在美國外援夠晒多，有麥比廸、保卡尼卡同丹普爾。
麥比廸同費度仲98世界盃已經一齊代表美國，交情非淺；小弟忽然間有預感，麥比廸今仗頭槌頂入費度把守嘅大門。
冷敲列斯聯「客勝」
冷門方面，推介列斯聯[+1]「讓球主客和」嘅「客勝」；列斯聯搶分護級，近7仗只輸過1分。相反，主隊修咸頓近2仗全輸，有冇能力爭升班真係有懷疑，雙方都要搶分，但秤近況，客軍點都勝一籌，冷敲客軍不敗啦。
投資特攻隊
金句
「布力般嘅美國門將費度，今仗對番咁多同胞，隨時有「感情章」。」
大藍籌--熱選
星期六18
讓球
富咸（上盤）（2.04）
評語：富咸場場當盃賽決賽咁踢，護級戰意肯定大過天，少讓平/半啫，就試吓山齊士有冇料到。
23線股--冷選
星期六28
讓球主客和
列斯聯勝[+1]（1.95）
評語：修咸頓為爭升班反而壓力大，近兩場輸晒可見一斑，列斯聯近況好過對手，宜博「客勝」。
特攻隊投資項目及累積結餘
投資日期：20/04
投資項目：
1.讓球：星期六18富咸（上盤）@$2,000
2.混合：星期六18富咸勝（2.3）x星期六28列斯聯勝[+1]（1.95）2x3@200
投資金額：-2,600
賺：/
蝕：-
結餘：$74,092
投資日期：13/04
投資項目：
1.主客和：星期六18雷丁勝（1.83）@$1,600
2.混合：星期六18雷丁勝（1.83）x星期六57華倫西恩斯（平）（1.94）2x1@400
投資金額：-2,000
賺：+$1,660
蝕：-
結餘：$76,692
簡評：上周進賬不少，今周順勢加注；富咸讓球屬全日重心，可重注出擊，混合過關2串1，先博富咸w串射列斯聯不敗。
投注規則：全季投資本錢$100,000，每次列出近兩次投資項目及結餘賺蝕成績，直至06/07年度4大聯賽球季完結。