梁詠琪早前為時尚雜誌《Zip》拍攝封面，穿上Chanel春裝的她，露出長腿及香肩。今年31歲的梁詠琪揚言視這個時候為事業、愛情、生活的新階段，她在訪問中說：「最perfect係擺脫咗20多歲時嘅稚嫩、飄忽，開始識得享受生活、有自己主見，同埋清楚自己喜惡。」問到是否希望結婚，梁詠琪說：「再過幾年啦，到時心態變咗，可能會結婚，女人講到底都係需要愛。」
自稱善忘
梁詠琪更坦言不是外間所想像般堅強硬淨，她說：「有人話我嘅性格堅強，其實我只不過係一個善忘嘅人，絕唔會、亦唔識得畀自己沉溺喺痛苦嘅經歷之中。我承認自己性格偏向樂觀，凡事都會向好嘅方向諗。」
撰文：林妙萍