型事專輯1：新潮區崛起

要一條龍行街shopping，除了加連威老道、百德新街外，仲有邊度好去？銅鑼灣近年又發展多一個潮舖集中營──耀華街。估唔到一條咁短嘅街，就聚集咗二十多間潮流服飾店，時裝、皮鞋、手袋、飾物統統搵到，且間間主打不同地方的貨品，如日本、中國、法國甚至本地都有，國際口味得很。想買潮服和特別飾物，此處正是新興的購物熱點。

記者：葉雪芯　
攝影：楊錦文、陳盛臣
Model：Gigi、Fiona@PureModel

靜中帶旺

耀華街本來係一條平凡嘅小街道，從前以酒吧居多，不過因為銅鑼灣區開設了一些單棟式商業大廈，令很多地舖酒吧搬到樓上；加上耀華街位處人流最多嘅時代廣場後面，靜中帶旺，是以吸引不少型格小店在此處開業，令耀華街變成舊中帶新，中西合璧之地。現時整條街大約有二十多間潮流服飾小店，不少更是樓上舖，是尋找特色潮服的必逛之地！

01本地薑玩質料mix&match

Groovy係本地時裝設計師Fanda嘅自家品牌，成立4年，並無讀過時裝設計的她，自小便對時裝感興趣，更特地由製首飾轉為全身投入時裝設計中。Groovy於4年前搬上舊唐樓樓上，主攻少女路線喜愛玩mix&match質料，今個春夏裝以碎花同波點為主，設計簡約中帶細緻。對於選擇在耀華街開店，Fanda話：「最初覺得呢度舖租比較平，而且樓上舖地方又大。估唔到後來條街慢慢變成另一個時裝集中地，𠵱家有唔少人行完TimeSquare，都會過嚟睇睇。」

■紫色闊領針織冷衫$280

■黑底紅色波點one-piece裙$520

■粉紅色針織外套$390，碎花背心$360

■白色波點彩圖上衣$590

■黑白格仔娃娃裝$400

■綠色娃娃圓領上衣$100

Groovy（25728738）
地址：勿地臣街18號1/F

02大阪品牌夠獨家

香港唔少女仔都對日本品牌情有獨鍾，專賣日本大阪品牌嘅時裝店Unison1年前於耀華街一棟商業大廈樓上開店，以售casualwear為主，走型格少女路線。日本老闆娘Sachiko來港已經七、八年，年前發現香港人特別喜歡日本品牌，所以決定在香港創業，將家鄉大阪品牌帶到香港：「我呢度每個月都有新貨返，除了零售仲會做批發。其實大阪嘅服裝品牌經常上日本潮流雜誌，希望香港人唔好淨係識Bape、undercover呢啲裏原宿品牌啦！」

■大阪品牌如mimi&roger、Plasticgirl、PFD等，常出現於日本雜誌上。

■懷舊波浪紋半截裙$1,030

■黑白間條吊帶長裙
約$1,000

■灰色大蝴蝶結半截裙（售價待定）

■湖水藍色背心$590

Unison（21470488）
地址：耀華街丹納中心12A

03上海名牌襲港

都話耀華街係卧虎藏龍之地，就連國內頭號潮流設計師王一揚都在這裏落腳。ZUCZUG係國內近年著名潮流品牌，02年由王一揚於上海成立，在國內已有40幾間分店，連內地新聞女主播陳蕾都是顧客，耀華街這間就是該品牌04年進軍香港的第一間店舖。ZUCZUG的服裝全屬原創，喜用特別物料如塑膠、反光布等做衫，愛玩簡約色調，且每件衫只得一種顏色，都算有格。