噚晚約咗嗰個車版肥記者Dennis食飯，食食吓佢同我講話今日會飛去上海，參觀第12屆上海國際汽車工業展覽會；我諗嚟諗去，都唔明點解會去參觀上海車展呢？後來先知原來呢個係國際性嘅大型車展嚟㗎！
今日開放俾傳媒入內參觀嘅第12屆上海國際汽車工業展覽會，場地位於上海新國際博覽中心，除9個室內展館以外，同時又會有7個臨時展棚同室外場地，總面積達14萬平方米，參展廠商更超過1,300間。另外，參觀嘅汽車生產商遍及國內同國外，國內就有大家熟悉嘅華晨、長安及比亞廸等等，而後者就包括平治、寶馬及奧廸等等，據聞奧廸到時仲會有部全新概念車作全球首度亮相㖭！咦，咁就要睇實《轆Book》聽日嘅詳細直擊報道喇！
上海車展官方網址：www.autoshanghai.com.cn
悠穎馳
豪邁不羈，愛車如命，聽幾下引擎聲就知咩車！