名模周汶錡（Kathy）前晚與一眾外籍模特兒在金鐘太古廣場，為西班牙品牌Loewe行天橋，其中一位外籍模特兒以人體彩繪在身上畫上花衫，只以幼帶遮着胸前敏感位置，相反Kathy非常錫身，只讓彩繪師在其手臂畫上兩朵花，她說：「bodypainting係好靚，好有創意，一啲都唔暴露，係一種藝術，大家唔好扭曲意思啦！」話雖如此，她坦言不願這樣行騷或外出。
Kathy又賣口乖讚品牌手袋，揚言最愛罕有的特別版，更會將過時款式trade-in，只留低值得珍藏的款式。問她是否揀男友一樣物以罕為貴，故精挑法國俊男？Kathy即大發嬌嗔說：「咁個個人都鍾意罕有嘅嘢啦！」她透露忙於籌備新一輯旅行書。
康子妮賣首飾
此外，鄭裕彤契女明美連、陳道然（蘭子）和康子妮等都有捧場，康子妮展示其DIY耳環時說：「我學做呢類手作仔首飾，𠵱家起咗個牌子名叫『MiniMe』，放喺蘇豪嘅小店賣。」但她揚言不會叫老公林曉峰投資開舖。
採訪：吳天慧
攝影：陳偉權
