馬來西亞最近有報道話，本屆金像獎最佳男配角兼最佳新演員吳澋滔（右二），係喺當地出世，仲有個馬來西亞名。噚日吳澋滔返學嗰陣，俾國際學校裏面嘅馬來西亞籍同學問起呢件事，聽到一頭霧水。吳澋滔媽咪司馬燕（右一）噚日同馮仁昭講：「冇可能，阿仔係喺養和出世，佢只有四分一印尼血統。可能因為喺大馬拍《父子》，所以先引起呢個誤會。」