梁靜茹將於下月7號喺紅館舉行「親親梁靜茹愛的大遊行演唱會」，門票喺本月初已經賣晒，所以主辦機構宣布加開下月8號一場。因為五月天同房祖名先後婉拒咗做嘉賓，適逢梁靜茹早前同容祖兒喺《勁歌金曲》合唱後惺惺相惜，咁啱兩人仲係同一日牛一，特別有緣，所以梁靜茹邀請佢擔任個唱嘉賓，祖兒都一口答應，令梁靜茹放下心頭大石。