胡杏兒昨日以樂施大使身份，在北角分享她上月去蘭州作生態扶貧的所見所聞，她說：「我同一個6、7歲嘅小朋友握手，但佢隻手畀我個感覺好似50、60歲嘅老人家，所以我覺得要多啲關注內地貧窮問題。」
讚法拉性感
談到有雜誌以杏兒一輯性感照作封面，指因她的緋聞男友黃宗澤力追陳法拉，令她作出大解放，杏兒對此說：「輯相好耐之前影，你哋唔好睇啲字，淨係睇張相靚唔靚啦。」此外，杏兒昨日接受商台電話訪問，對於新廣告性感演出，她指有五位數字酬勞。對於黃宗澤與陳法拉的緋聞，杏兒說：「問番當事人啦，呢啲新聞幾煩。」但她大讚陳法拉說：「佢好靚，有啲女仔不經意就性感，我就唔係。」有傳陳法拉向黃宗澤（Bosco）出動奪命追魂call，她說：「如果佢咁追，我覺得Bosco要應承。」
採訪、攝影：魯萍