狂迷楊麗娟為見偶像劉德華導致父親跳海自殺，華仔為免將事情鬧大而選擇沉默，早前在個人網頁也直言：「你不會懂得我傷悲！」並且表明不會再回應事件，不過不少網民仍為華仔抱不平，更有人找來由他主演的電影《瘦身男女》其中一幕，大鬧鄭秀文追星的片段，以「劉德華早應這樣罵楊麗娟」為題放到YouTube網站。
戲中鄭秀文因追星導致走投無路苦纏華仔，即被華仔指她「你幾耐冇做嘢呀？成年喇呵？人哋全國巡迴演奏，你就全國巡迴睇，幾十場，幾萬yen一張飛，仲唔吊頸呀？」
對白諷刺實況
此時Sammi委屈答道「唔係呀」誰知又被華仔繼續訓話：「唔係唔係唔係，幾十歲人正經嘢就唔做，迷偶像呀？fans呀？瘟瘟沌沌呀你！」凌零發就覺得經常自稱很愛華仔的楊麗娟，理應看過這一幕，這段說話簡直是為她而設。
及後Sammi稱該演奏家是其過氣男友，即被華仔恥笑，更大鬧她發花癲。事後也有不少網友在YouTube留言盛讚片段應景，Cain7150更指「劉華大帝終於出番口氣」。
Sammi開咪撐華仔
Sammi前日接受商台電話訪問時也有提及楊麗娟一事，她直指：「其實有啲瘋狂嘅歌迷要負番好大責任，我絕對支持華仔，企佢嗰邊，真係要大聲疾呼出嚟。」據悉楊麗娟昨日已離港回蘭州，凌零發就希望這齣追星鬧劇可以畫上句號，還大家一個清靜的香港。
劉德華早應這樣罵楊麗娟」網址： http://www.youtube.com/watch?v=wL_NG9AQ2lg
版主：凌零發
