足智彩「讓球」及外圍亞洲盤，成日聽見人話睇盤，咩邊隊讓邊隊幾多，唔係好對路，個莊好似引你買上或下盤咁。
的確，呢種讓波方式、結果不外乎上、下及走盤3瓣嘅項目，係有同個莊對賭意味。但華度唔認為，讓波盤口讓幾多或受讓幾多係關鍵；其實上、下盤派彩水位變化，先至係個莊真正使出同你對賭嘅手段。
毋須理會初盤水位
當然，以下所講嘅，可能只係華度膚淺之談，未必係贏錢金科玉律。想點出嘅係，應多向較低水嗰邊埋手。做莊嘅，開得個盤受注，絕少死錯人；稍有偏差，結果可以係想像唔到咁大鑊。何謂偏差？讓波多得滯或者讓得少？呢啲有大世界不同單位盤口作參考，唔會偏差得去邊；若果派親都係高水位嗰瓣，呢個莊就真係計錯數。
現時唔少比賽會提早成個禮拜前已經有盤受注，呢啲所謂初盤嘅水位係唔需要理會，永遠留意賽日及隔晚水位變化已可。原因受注最高峯期時間，其實只係開波前6個鐘，唔信就自己諗下買過幾多「早飛盤」？
例如原本A隊隔晚讓平/半上盤高水，到呢個時候轉成平手盤A隊派低水，咪以為對面B隊有飛到，好似好有計咁，結果反而會係A隊坐和望贏。總之，轉盤唔一定係某瓣有飛到，個莊都可以調節下，去等你以為邊面多人買而盲跟。
文：華度