玩慣NDS卡片版《龍珠》，硬係覺得冇咗埋牙肉搏砌嗰種快感！所以見到即將推出PSP版《龍珠Z：真武道會2》，就特別吸引，戰鬥場面全以3D畫面展現，而操作系統就會接近《龍珠Z3》，並加入同動畫內相似爆氣系統，能提升攻防戰鬥力，成功後仲有機會使用強力超必殺技。而遊戲進行同時，會加入即時戰略元素及各式任務，並非一味得個打字！
25名《龍珠》角色
除咗同系列一向收錄角色外，今次PSP版最特別係仲加入咗未來版孫悟飯，佢係首度喺遊戲之中出現，可以話係謎一樣角色，唔知再大啲嘅悟飯會有咩嘢新絕招呢？其他新角色包括孫悟空父親巴達克及電影版出場角色等，一共有超過25名人物，都幾熱鬧。連線玩法對PSP嚟講已經係基本功能，而今次就有新玩法，只要連線模式係使用亂入Mode，只要範圍內有人拎部PSP，都可以參加對戰，即使唔認識都可以打一餐，好有街機風味！遊戲預定推出日期6月7日。