女士都想擁有紅潤嘴唇，但有時發現唇色暗啞，真係搽多多唇膏都冇用。其實，唇色同身體健康狀況有關，吸收多啲維他命B2會有幫助，不妨多吃番茄、茄子、粟米、西芹之類，咁樣嘴唇就自然又紅又潤㗎啦。
記者：林佩婷
攝影：譚盈傑
示範：
日航酒店桃李中菜廳
（23134225）
譚永恩師傅
黃薑粉忌廉汁焗
雜菌西蘭花鮮茄
需時：20分鐘
價錢：$25/2人
材料：西蘭花1棵（切塊）、番茄2個（切件）、鮮菇5粒（切半）、鮑菇/秀珍菇各1両、黃薑粉1茶匙、忌廉汁2湯匙、上湯2碗、鹽/糖/雞粉/油各少許
做法：西蘭花灼熟備用；三種菇類先汆水，用1碗上湯煨煮約10分鐘；加入番茄/西蘭花，大火炒約3分鐘，加入混合的黃薑粉/忌廉汁/1碗上湯/鹽/糖/雞粉，煮至汁稠後上碟。
知多啲：番茄含維他命A、B群、Ｃ，是天然抗氧化劑，足以改善肌膚營養。
伴水素芹香
需時：15分鐘
價錢：$20/2人
材料：西芹2両（切片）、馬蹄/蓮藕各1両（切片）、木耳3錢、荷蘭豆/北菇/鮮菇片各1両、油少許
調味料：鹽/糖/雞粉各少許
做法：北菇蒸熟，鮮菇片/木耳汆水備用。燒熱鑊，落少許油，將所有材料大火炒3至5分鐘，最後下調味兜勻。
知多啲：木耳含膠質、纖維素及多種維他命，有排毒、清腸胃等功效。西芹則含有大量維他命及鐵質。
肉崧梅香茄子煲
需時：15分鐘
價錢：$20/2人
材料：茄子8両（切條）、肉崧2両、梅子2粒（壓成茸）、豆瓣醬2茶匙、蒜茸/油少許、辣椒1隻（切粒）、上湯1碗
做法：茄子拉油備用；燒熱油，爆香肉崧，落其餘材料及調味料以大火煮5分鐘至收亁水。
知多啲：茄子有維他命A、B1、B2、C及P，又有蛋白質和鈣質，可防止血管爆裂及有止血功效。
燕窩竹笙紫菜粟米羮
需時：10分鐘（未計浸燕窩及竹笙時間）
價錢：$40/1人
材料：燕窩2錢（浸至脹身）、竹笙2條（浸2小時）、紫菜2片（切絲）、粟米1/3罐、上湯1碗、雞粉/鹽/糖各少許
做法：燒開水，燕窩大火滾至發脹；竹笙滾一滾後切絲，之後加入上湯/紫菜/粟米煲滾，最後落燕窩/雞粉/鹽/糖。
知多啲：粟米所含有的維他命可滋潤嘴唇。
嘴唇看命運
觀唇色可知身體狀態，唇色過深表示熱氣；偏黃宜留意肝臟；唇青可能是心血管有問題。堪輿學家麥玲玲指出，以相學角度來說，嘴唇代表衣食，不同嘴形也有不同命運：
上佳口形：晚年衣食無憂
若口形端正、稜角分明、嘴角向上、牙齒整齊，代表性格樂觀，晚年衣食無憂。
厚唇：忠厚重面子
上下唇皆厚，為人忠厚講信用，也重面子；但過厚則會變得不懂轉彎，說話欠技巧。
薄唇：口齒伶俐
上下唇皆薄，代表重視現實，表達能力佳、善於辭令。但過薄則易變無情。
嘴大：獨立大膽
口大代表自信，交際及表達能力俱佳，事業方面易有所作為。
口細：處事保守
口細之人不易適應新事物，做事也較保守，喜歡依賴別人。
