雖常自覺清高，但其實骨子裏某些行為卻又師奶得很。好似今勻，我竟就為了一張書籤及一個書袋，而預訂哈利波特第7集完結篇《HarryPotterandtheDeathlyHallows》。本來此書鐵定於7月21日全球同步發行，但早兩日行經書店Dymocks，竟發現一幅超巨型哈利波特100日倒數日誌，即入書店八八，原來倒數日誌由上星期五開始，將掛至7月21日。而且除了香港，還有澳洲及新西蘭百間Dymocks共同見證，真係慌死未能引起哄動！只是以為自己理智過人，不被噱頭轉移視線，卻也為了顧客凡於Dymocks預訂此書並全數付款（$199），將獲贈以雷射印刷的HarryPotter100日倒數行動紀念版書籤的優惠而動心，而且到7月21日領書當天又可獲贈HarryPotter特別限量版書袋。心諗：既然到時我都會買，有着數為乜唔預訂咗先？
悠娛思：文靜卻不內向，不但有藝術家氣質也具藝術家脾氣。