香港streetfashion有幾掂？只要睇吓RMC唔只吸引日本仔，連美國hip-hop友、籃球明星都爭住買就知道掂。最近有本外國街牌天書《STREETWEAR》訪問了全世界40多個街牌掌舵人，本地薑Know1edge和Dusty也榜上有名。佢哋異口同聲表示在香港做街頭服，一定要比外國人更曉streetfashion文化，仲要堅持風格立場，才能站穩腳，開拓外地市場。
記者︰陸俊雄
攝影︰伍慶泉
要比外國人更了解街頭文化
《STREETWEAR》提到的香港街牌Know1edge，是8Five2在04年創立的品牌，現時在美日已有70多個售賣點，創辦人Brian是香港第一代板仔，86年開始以板為伴，他用「Thisismylife」來形容對踩板的情意結。
「要衝出香港，Brian認為就算有connection也不夠，還要表現得比外國人更了解街頭文化，要隨時搭得上嘴，外國同行才會尊重你，跟Alphanumeric、Haze等合作機會就是如此得來。」他認為其他本地街牌暫時未能衝出香港，可能就是欠缺這種深入認知。
為了要不斷求進，Brian將新季衫的布料由香港或中國製造，改為QC得更好的貴價加拿大布料；最近又成為首個本地品牌與美國NewEra合作；更會第一次參與7月4日在巴塞隆拿舉行的「Bread&Butter」tradeshow，與各國街牌交流，不斷尋求衝出香港的法門。
作者行內打滾15年
《STREETWEAR》作者StevenVogel在街頭服界打滾15年，曾替德國雜誌《StreetWearToday》做寫手，籌辦過行內盛事「Bread&Butter」tradeshow。今次他出版的潮流書，在英美日港等地找來當地街牌揸fit人分享創業經過和品牌歷史。
整部書主要分兩部份，先是各大街牌的訪問，如1980年起家的Stussy，其創作總監PaulMittleman透露品牌發源地是美國加州南部；又有日本潮流教父藤原浩，他認為今日的streetfashion是源自70年代尾的punk而非踩板。另外，亦加插影響街頭服發展的雜誌、網頁等，是本關於街頭服一切文化發展的誠意之作。
港人要創本地潮流圈
Dusty現時在台灣和新加坡有30多個售賣點，創辦人阿Paul覺得Dusty能榜上有名，是與品牌自97年起捱到今日仍屹立不倒有關：「經濟不景捱過，無人賞識試過，但最重要是堅持做自己喜歡的風格、喜歡的事。事實上很多同期的街牌現在都不見了。」阿Paul謂當初創立Dusty是興趣行先，他們幾個拍檔同住公屋，為了有自己品牌而四出借錢集資。「要成功就一定要學懂消化外國街牌再為己用，人人都做A時，我不理會，了解別人精髓，然後做好自己。」
雖然強勁的人際網絡對創業有幫助，但阿Paul覺得運氣和時代都好重要。「那時流行的街牌不多，當年幸運識到一班外國街牌中堅分子，所以便早別人一步開拓市場。現在太多新牌出現，要佔市場一席位，新牌不妨嘗試打造新圈子，推廣另一種新街頭文化，裏原宿就是這樣產生，何來靠外力支持？」
二線街牌前進遇阻力
adlib負責人阿魚︰「試過有客人買牛仔褲因香港製造而唔買，所以要在外國成名後才被本地人欣賞，現在我們正和台灣周董的品牌Phantaic合作搞新嘢。」
Hea……負責人Koby︰「香港潮流轉變太快，不似美國，而且香港年輕人看雜誌跟星着衫，沒有明星穿的牌子在本地就會唔好賣。」
Nevertheless負責人Stanley︰「打不進外國市場係因為欠本錢和傳媒報道。和外國二、三線街牌比，香港不會輸，但與大牌如Bape比，配套就不夠好。」
潮人撐港牌
我欣賞Know1edge牛仔褲，拉鏈車線等做得很好。
美國好buyRMC是因為高質布料和刺繡技巧。
Dusty的graphictee很有意思，襯牛仔褲最好。
RMC應該要上榜，因為佢玩刺繡，具中國風味。
Know1edge街頭服的質料不錯，我有朋友係佢fans。
我鍾意Dusty的tee，圖案簡單又有個性。
RMC早登陸美國市場
RMC全名為「RedMonkeyCompany」，創辦人兼設計師MartinKsohoh原名李一鳴，本身沒有讀過任何時裝設計，憑努力和對精工刺繡的熱誠，在2000年成功創立品牌，更有支線YOROPIKO。2004年開設RMC專門店，曾為軟硬設計牛仔褲，又與NewBalance合作推出限量波鞋，更成功打入美日市場，最貴一條牛仔褲可賣至$18,000。